Gullkorn

Lesbía

2010-09-13T12:17:00.001Z

Sunna sagði við mig í síðustu viku: Mamma, ég er lesbía
Eva: já, veistu hvað það er?
Sunna: já, þá giftist ég konu.

Klósett

2008-11-10T18:54:00.001Z

Sunna var eitthvað svo spennt að fara inn í herbergið sitt að perla en stoppaði svo og sagðist þurfa pissa fyrst. svo snéri hún sér við og sagði við mig "mamma, mig langar að fá litil klósett inn í herbergin okkar Regins"

hin besta skemmtun

2008-07-20T20:47:00.001Z

Sunna og Reginn voru að leika sér eittvað í dag. Sunna var búin að láta diskamottur á eldhúsgólfið og þau voru að hoppa á milli þeirra. svo heyrist í Sunnu, "Reginn, við höfum nú aldrei skemmt okkur svona vel áður"

Hora spori

2008-06-26T22:12:00.002Z

Sunna sagði með mæðutón um daginn "Ég er með svo mikið hor", svo eftir smá stund sagði hún með uppgjafartón "Ég nenni ekki að vera alltaf að bora í nefið"

vitlaust og rétt

2008-06-10T20:36:00.004Z

Sunna rak sig í áðan, ég var eitthvað að hugga hana og svo sagði hún "ég rak vitlausa beinið í" og benti á vinstri olnbogann. Stuttu seinna sagði Sunna benti svo á hægri olnbogan og sagði við mig "er þetta rétta beinið"

Sunna að vera sannfærandi

2008-06-06T20:26:00.001Z

Um daginn vorum við að borða og ég var að spyrja Sunnu hvort hún vildi meira. Sunna sagði nei, þar sem mér fannst hún hafa borðað fremur lítið, spurði ég hvort hún vildi ekki smá í viðbót. Sunna svaraði þá "mamma, ég er alveg hundviss"

Skemmtilegar setningar frá Sunnu

2008-04-21T20:50:00.003Z

Hvað ætlar þú að verða þegar þú verður stór? Sunna "ég ætla að vinna á tryggó" Ég "já alveg eins og pabbi" Sunna "já..." eftir smá pásu segir Sunna "nei, ég ætla að fá brjóst eins og þú"

Um daginn sagði Sunna "mamma, ég er að hugsa... sko með heilanum"

Galdrar

2008-03-06T21:10:00.003Z

Þegar við vorum að keyra heim í dag, sagði Sunna "mig langar í Páska". Við sögðum að þeir væru að koma. "En þeir eru svo lengi" (meinar það er langt í þá). Við sögðum að hún yrði að vera þolimóð, þær eru eftir tvær vikur. Sunna "en mig langar svo í Páska". Þá sagði Frikki "við getum ekkert fært þá nær", Þá sagði Sunna "Við getum bara galdrað þá nær".

Kúkafúl

2008-02-29T21:39:00.004Z

Sunna átti eitthvað erfitt með að hægðir í dag. Eftir nokkuð erfiði, gekk þetta. Sunna var eitthvað fúl út í kúkinn að hafa verið svona vondur og sagði við mig "mamma, viltu sturta honum niður, þannig að hann fari niður í sjóinn og lendi á hausnum á Karíusi og Baktusi". Jamm það var gert og aumingja Karíus og Baktus sitja sárir með kúk á hausnum.

spekingsdagur

2008-02-08T11:43:00.000Z

Ég spurði Sunnu í gær hvaðan snjórinn kæmi. Hún svaraði "úr skýjunum". "En hvað verður um hann á sumrin þegar sólin kemur?" spurði ég. Sunna "hann fer bara út í sjó þar sem endurnar eru og er þar bara"
Það fer allt út í sjó það sem hún veit ekki hvað verður um eða líkar illa við.

Ég spurði hana svo yfir kaffitímanum í gær hvort hún væri ekki ánægð með að eiga bróðir. Sunna "jú og litla systur". Ég sagði að hún ætti ekki systur. "humm, við bara biðjum einhvern sem vill ekki barn að gefa okkur það" ég sagði að fólk mundi nú kannski ekki bara gefa barnið sitt. Sunna "við getum þá bara keypt það". Ég útskýrði að það mætti ekki, að maður gæti farið í fangelsi fyrir að kaupa eða selja fólk. Sunna sagðist þá bara ætla að taka lögguna og henda henni í sjóinn. Í lok þessara umræða sagði ég henni að eina leiðin til þess að hún myndi eignast systur væri ef mamma væri ólétt og ég væri það ekki.

Það er sko bara verið að aga mömmuna...

2007-11-29T20:41:00.001Z

Þegar ég sótti Sunnu í leikskólann í dag og við vorum að labba út var stelpa sem stóð við útihurðina og hélt henni opni (ég held að hún hafi verið að bíða eftir eitthverjum). Þegar við vorum komnar út segir Sunna "þú átt að segja, takk", hum ég var ekki að fatta og sagði "takk afhverju", Sunna sagði þá hneyksluð "þú átt að segja, takk. Hún var að halda hurðinni opni". Óó ég sagðist sko skammast mín og ætlaði að passa þetta í framtíðinni.

bara konurnar....

2007-11-22T20:30:00.000Z

Ég var að koma úr baði í dag og Sunna var að fylgjast með. Svo lét ég svona roll on undir hendurnar, Sunna spurði hvort að hún mætti fá svona líka. Ég sagði nei, þetta væri bara fyrir svona fullorðna. Svo lét ég á mig andlitskrem og Sunna spurði hvort hún mætti fá svoleiðis og ég sagði já og lét hana fá, þá sagði hún voða stolt "Þetta er bara fyrir okkur konurnar"

Jólasöngur

2007-11-20T12:31:00.000Z

Í morgun þegar ég var að skutla Sunnu í skólan var hún eitthvað að raula jólalag. Svo sagði hún hvernig standa jólasveinarnir. Þá fattaði ég hvaða lag hún var að syngja, þannig að ég söng það fyrir hana og vandaði mig að gera það rétt. Söng "Jólasveinar ganga um gólf með GILDAN staf í hendi, móðir þeirra sópar gólf og flengir þé með vendi. Upp á stól stend ÉG OG KANNA, níu nóttum fyrir jól þá....." og þið vitið rest. Þá segir Sunna "Jólasveinarnir taka svo bara könnuna og hella svona úr henni". Jamm ég reyndi en þetta virðis vera misskilnigur sem lærist snemma :)

Sms-að á útlensku

2007-11-14T22:10:00.000Z

Afi Gísli og Amma Bryndís voru úti í útlandinu síðustu helgi. Sunna sá aímann minn og vildi sms-a þau. Ég lét hana fá gemsann og hún pikkaði eithvað inn, það leit eitthvern veginn svona út Djma TM W MA.. Ég spurði Sunnu hvað hún væri að skrifa? Hún sagði "æji, þetta er svona útlenska"

Erfitt að fatta tengslin

2007-10-21T21:14:00.000Z

Sunna spurði mig um daginn voða spekingsleg á svip "Hvað heitir mamma þín", ég svaraði "hún heitir Bryndís". Sunna segir þá "Bryndís Hannah!", já segi ég. Sunna segir þá svolítið hissa í röddinni "alveg eins og amma mín!" :)

Tennur

2007-10-17T11:21:00.001Z

Frikki var að bursta tennurnar í henni Sunnu í gær og sagði við hana "voðalega ertu með margar og flottar tennur", þá sagði Sunna "jjá, krókudílar líka"

Ein með hlutina á hreinu

2007-10-04T13:55:00.000Z

Við vorum að borða mat um daginn við matarborðið. Við Frikki vorum að tala eitthvað saman og Frikki segir "já, ég man ekki hvað hann heitir" og er að hugsa um eitthvern mann sem kemur við í umræðum okkar, en horfir á Regin. Sunna segir þá við pabba sinn "Hann heitir Reginn, manstu"

Fjölskyldumynstur

2007-09-23T21:16:00.000Z

Við Sunna vorum eitthvað að tala um fjölskyldur í dag. Ég sagði við Sunnu "veistu það að sumir eiga ekki pabba" þá sagði Sunna "Hann er kannski bara úti í búð"

Nútímastelpa

2007-09-23T19:43:00.000Z

Við vorum í mat í gær hjá mömmu og pabba. Sunna var svo að leika sér eftir matinn og við hin vorum eitthvað að spjalla. Mamma mín segir svo við Sunnu hvað ætlar þú að verða þegar þú verður stór. Sunna segir "ég veit ekki", mamma segir þá ætlaru kannski að verða mamma með tvær stelpur? Sunna segir þá "já og tvo pabba líka".
Mín ekki beint föst í hefðum....

Allt reynt

2007-08-15T09:57:00.000Z

Við Reginn fórum gangandi að ná í Sunnu í leikskólann um daginn. Reyndar gekk ég Reginn var nú bara að hafa það gott í vagninum sýnum. Á leiðinni heim þurfti Sunna að ganga og var eitthvað ekki að nenna því. Hún var búin að vera suða um að ég myndi halda á henni. Ég sagði að hún væri svo stór að hún gæti það alveg sjálf en ég myndi leiða hana. Stuttu seinna segir Sunna "Mamma, viltu passa mig", ég sagði "Ég passa þig alltaf". Sunna "nei, viltu passa mig almennilega". Ég spyr "hvað áttu við á ég að halda á þér". Þá brosti Sunna og sagði "já"

Ein ekki alveg að kunna öll orðin.

2007-07-11T21:10:00.000Z

Sunna var að borða kvöldmatinn í gær og var að fá sér smjör á diskinn. Hún stakk svo heilum smjörbita upp í sig. Ég sagði "Ekki borða eintómt smjör", þá sagðir Sunna "nei, ég er bara að borða venjulegt smjör"

Í dag vorum við að mála á blöð og hún var í málingarfötunum. Gömul föt sem hún er í og ég hef skýrt fyrir henni að það sé allt í lagi að máling fari í þau föt en hún eigi samt ekki að leika sér að því að láta málningu í þau. Svo fór Sunna að pensla á buxurnar sínar. Ég sagði "Sunna, ekki vera mála buxurnar viljandi", þá sagði Sunna "nei, ég er bara að gera þetta varlega"

misskilningur á þýðingu orðs

2007-07-01T20:17:00.000Z

Sunna var voða hamingjusöm í nýju íbúðinni okkar. Nú er sko pláss að hjóla um. Ég spurði hana hvort að það væri gaman að eiga heima í Mávahlíðinni. Hún sagði "já" og stuttu seinna sagði hún "bara ógeðslegt". Hún misskilur orðið aðeins eða kannski ekki, maður notar það oft á jákvæðan hátt. T.d ógeðslega gott og ógeðslega gaman

litla eiginkonan

2007-06-21T20:10:00.000Z

Sunna á vin eða öllu heldur kærasta í leikskólanum. Hann heitir Siggi. Þau eru alltaf saman og fólkið á leikskólanum kalla þau litlu hjónin. Í dag var víst smá hjónaerjur. Siggi var að leika ljón og urraði eitthvað á Sunnu (leikur sem er búin að vera tíður hjá þeim uppá síðkastið). Sunna var ekki sátt við þennan leik og fór til leikskólakennarans. Kennarinn sagði við Sunnu að hún ætti nú bara að segja við Sigga að hún vildi ekki leika svona. Sunna gerði það og öskraði á Sigga "nei, ég vil þetta ekki", Siggi brást við og kýldi Sunnu í framan. Þegar ég kom að ná í hana í leikskólann fékk ég að heyra þessa sögu frá kennaranum og fékk eina blámarna stelpu með mér heim. Þegar við Sunna vorum að labba heim spurði ég Sunnu svona "kýldi Siggi þig?" þá svara Sunna "nei, það fór hurð á mig".
Við foreldrarnir hlógum dátt að þessu en vonandi verður hún ekki svona eiginkona í framtíðinni.

Horaspori

2007-06-21T09:41:00.000Z

Sunna er með svolítið hor þessa daganna. Í morgun þegar ég var að snýta henni í þriðja skiptið á stuttum tíma sagði ég "vá, Sunna hvar geymiru allt þetta hor". Sunna svaraði "í nefinu mínu". Það var eins og hún væri að hugsa þegar hún sagði þetta, auðvitað er það í nefinum hvar annarstaðar ætti það að vera...

Sunna sniðuga

2007-06-17T22:13:00.000Z

Við fjölskyldan vorum á leiðinni upp í Grafarvoginn í veislu til Sigrúnar vinkonu. Sunna var orðin svoldið þreytt og til þess að hún færi ekki að sofna, fórum við að skoða hvað var í veskinu mínu. Ég dró upp visa-kortið og sagði henni að þetta væri svona visa-kort. Sunna sagði "já, til að borga konunni" :)

Sunna sæt að kveðja

2007-06-14T11:01:00.000Z

Sunna var að fara í leikskólannn og var að kveðja feðgana
"bless, gangi ykkur vel, strákarnir mínir"

Sunna klædd í föt

2007-06-07T10:00:00.000Z

Frikki var að klæða Sunnu í föt í morgun og buxurnar hennar voru eitthvað snúnar og Frikki sagði "what the hell!" þá sagði Sunna "nei, þetta er ekki hell þetta eru buxurnar mínar"

Slys á leikskólanum

2007-05-31T22:58:00.000Z

Sunna kúkaði óvart í buxurnar sínar í dag í leikskólanum. Nærbuxurnar hennar voru í poka í hólfinu hennar. Þegar ég spurði hana hvað það væri sagði hún "þetta er bara skítugt, ég kúkaði í þær áðan". Þegar Frikki spurði hana af því sama þegar hún kom heim sagði hún "þetta er allt í lagi, þetta er bara skítugt. Viltu láta þetta í þvottavélina fyrir mig"